اول مااتجوزت ربنا مأكرمنيش بالخلفه علي طول اتأخرت شويه لا كتير حوالى ١٣ سنه انا طلبت من زوجي يتزوج عليا وانا موافقه عدي هوه رفض الموضوع ده احنا كنا واخدين بعض عن حب هوه مش راضي يكسر بخاطري احنا كنا مبسوطين واغنيا انا وزوجي فكان عندي
شغاله في البيت بتسعدني في شغل البيت البيت كان كبير عليا طلبت من زوجي اننا نبيعه ونشتري فيلا صغيره علي قدنا هوه رفض يقولي البيت ده بتاع اولادنا ان شاء الله كان عشمه كبير في
ربنا وفعلا ربنا مكسفهوش وربنا رزقنا بمولود بعد طول انتظار١٣سنه وبعدها بسنتين بالظبط ربنا رزقنا بطفله زي القمر بقي عندي محمد وسلمي احنا كنا سعداء جدا بعد ربنا مامن علينه بفضله وكرمنا ب محمد وسلمي في يوم من الأيام محمد كان عنده ٤سنين اخدته معايا للمول نشتري شويه حجات للبيت وانا بحاسب الكاشير وخلصت الحساب محمد اختفي مره وحده راح فين مين اخده مش عارفه انا قعدت اصوت واصرخ ابني ابني يا محمد الآمن بتاع المول اخدني نراجع الكاميرات وفعلا الكاميرات جابت ابني وهوه بيتاخد من قصادي وانا ملبوخه في الحساب كانت وحده هيا الي خطفته بس ملامحها مش باينه خالص لابسه نضاره سوده كبيره وكله نص وشها العجيب أن ابني كان ماشي معاها بكل
اريحيه لا وكمان بيلعب ويتنطط كمان هوه كان مستحيل يروح لحد ميعرفوش وكان لو حد حب يلعب معاه او يشيله وهوه ميعرفهوش كان بيقعد يعيط لحد ما الغريب ده يسيبه خالص ويجري عليا انا او باباه الكاميرات الخارجيه جابت الست دي وهيا بتركب عربيه فخمه جدا ونمر العربيه كانت متشاله العربيه كانت من غير نمر زي متكون طلعه من معرض سيارات سالنا حارس الأمن الي موجود علي جراش السيارات قال فعلا في ولد صغير ووحده ست ركبوا العربيه والقزاز بتاع السياره كان متفيم اسود ومعرفش ياخد باله من السائق والست مدققش في وشها فضلنا نبحث وندور علي اي حاجه توصلنا للخطفين ابني مفيش حاجه لقينها توصلنا ليهم كن منتظرين اي اتصال بفارغ الصبر يطلب فديه او اي حاجه مفيش اي اتصال حصل والشرطة مش قادره توصل لاي
حاجه ابني الي انتظرته بفارغ الصبر ١٣سنه لحد ما ربنا رزقني بيه اتسرق من قدام عيني وانا مش حسه انا من كتر الحزن علي ابني جالي اكتئاب فكرت في الانتحار أكثر من مره وبعدين ربنا يرجعني لي عقلي في آخر لحظه وبعد ٤ سنين ربنا يرزقني كمان ب ولد انا كنت طايره من الفرحه بس قلبي لسه منساش ابني محمد اول فرحتي انا سميت المولود الجديد محمود بقي عندي سلمي ومحمود ومحمد
.
اول فرحتي مخطوف كل يوم ادعي ربنا في قيام اليل انه يرجعهولي الي صعبان عليا اكتر ابوه ساكت وكاتم في قلبه والحزن هيموته بس مبيتكلمش و فيوم السبوع بتاع محمود كده ابني محمد الي اتخطف عنده ٨سنين يوم السبوع العائله كلها معزومه عندنا في البيت حصل اتصال علي زوجي واحد بيكلمه وبيقله لو عايز ابنك الي اتخطف لازم
العائله كلها معزومه عندنا في البيت في سبوع محمود ابني زوجي اجاله اتصال هاتفي بيقول لو عايز محمد ابنك المخطوف منك من اربع سنين يرجعلك هتدفع فيديه مليون جنيه جوزي قال له وايه يأكدلي ان ابني معاك مش بتعمل حورات وتكون عارف الحكايه وتعمل عليا مصلحه رد عليه وقال له بليل
واكدلك وتسلم وتستلم ابنك وقفل الاتصال
السبوع بتاع ابني بدل مكان فرحه وهيصه قالب زعل وحزن وحيره قلق التلفون رن تاني الساعه ١٠مساء وقال المتصل نزل كل الي عندك في البيت ايه الي مقعدهم لحد دلوقتي وقفل الاتصال زوجي قال للموجدين معلش يا جماعه انا بعتزر منكم كلكم لازم تمشوا من البيت حال ده رغبة الخاطف ولازم انفذ طلبه فعلا كل الي في الفيلا مشي مفضلش غير انا وزوجي والشغاله الخاطف اتصل تاني وقال كده تمام مش
فاضل غيرك انت والشغاله ومراتك والاولاد تمام تمام زوجي جري علي الشبابيك بتاعت البيت يدور يمكن يشوف حد بس مش لاقي حد خالص بس الخاطف اكيد موجود في حته جنب البيت عشان عارف الي دخل والي طلع ولي موجود المجرم الي خاطف ابني بعد صور علي الواتس لابني بس مبعتش الصور وهوه كبير بعت صور وهو صغير بس زوجي طلب منه الصور وهوه كبير الخاطف رفض يبعتها المجرم طلب من زوجي مبلغ مليون جنيه ويحطهم في شنطه وحده ويطلع علي كوبري قصر النيل ويقف في نص الكوبري ويرمي الفلوس في النيل وبعد كده في عربيه هتنزل الولد ولابس
بنطلون ابيض وتشيرت اسود ولازم دلوقتي حالا وانا عارف ان المبلغ موجود معاك في البيت دلوقتي زوجي استعجب ازاي عارف كل المعلومات دي ومنين عارف ان المبلغ ده موجود في البيت فعلا زوجي اتصل علي الشرطه وبلغهم بالي حدث بينه وبين الخاطف الشرطه قالت مطحتش فلوس حقيقيه في الشنطه عشان يمكن يطلع كذاب وعارف قصه خطف ابنك وبيبتزك عشان ياخد منك اي فلوس وخلاص او ممكن يكون حد من المحيطين بيك هوه الي يكون خاطف ابنك بس الي حير الشرطه ليه بعد اربع سنين جاي يتصل دلوقتي وفعلا زوجي حط ورق مكان الفلوس وراح المكان الي هما متفقين عليه ورما الفلوس في المياه الشرطه كانت لبسه لبس مدني وبتراقب الكوبري وشرطه المسطحات
.
المائية هيا كمان بتراقب المياه وبعد شويه ما زوجي رما الشنطه في المياه النيل والمجرم تاكد ان محدش بيراقبه ايجا بمركب سريع واخد الشنطه الشرطه حصرته وتم القبض عليه يطلع مين بقي المجرم طلع خالد ابن الشغاله بس بعد التحقيق معاه طلع مش هوه الخاطف ابني عرف القصه من مامته وبحكم هيا شغاله في البيت وعرفه عننا كل حاجه فا حب ينصب علي زوجي والصور الي بعتها لابني كانت علي
تلفون مامته وسرقها من تلفونها وحب يعمل بيها حوار ربنا ينتقم منه رجع لينا الأمل وعلقنا علي الفاضي احتراما لولدته الي كانت بتخدمنا اكتر من ٢٠سنه اتنزلنا عن المحضر وبعلاقات زوجي خالد الشرطه مشته بس زوجي اقسم ان ام خالد الشغاله معدش ليها اكل عيش في البيت عندنا تاني تمر الأيام والسنين وسلمي بنتي يتقدم ليها عريس من عائله محترمه جدا ومن الطبقه المرموقه في البلد…تابع
وتمر الأيام والسنوات وسلمي تبقا عروسه ويتقدم لها شاب من عائله محترمه ومرموقه في المجتمع وعلي الاقل هيعيشها في نفس المستوي الي هيا عايشه فيه انا كنت مرحبه بالخطوبه وسلمي كانت بتحب الشاب ده جدا بس المشكله في والد سلمي مكنش مرحب خالص بالشاب ده
