انا واخو خطيبي الشيطان القبيح

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

انا مش عارفه اعمل ايه
اخو خطيبى كلمنى فون وقالي انه بيحبني
انا فرحى انا واخوه بعد 3 ايام
وهو قالى انه بيحبنى ووقفل علي طول
احنا هنعيش في بيت واحد
انا مش عارفه اعمل ايه
هو خاطب بنت خالي
وفرحهم معانا ف نفس اليوم
وهي بتعشقه
مش عارفه اسيب خطيبي
واقولها ولا اسكت
انا عقلى واقف
انا لو عرفت بنت خالى هيجرالها حاجه
انا مينفعش اتجوزه اخوه كده
انا مينفعش اتكلم اصلا
هيخسروا بعض
بعد ما كلمنى جريت على ماما وقولتلها انا عايزه افسخ الخطوبه
لاقيتها بتزعقلى وبتقولى ليه وازاى والفرح خلاص
والناس هتقول ايه وهتكلم ازاى
قعدت اعيط واصوت قدامها واقولها مش عايزه انا مش مرتاحه
انا كنت خايفه اوى
كنت حاسه ان قلبى هيقف من خوفى
لاقيتها كلمت مازن
اخو خطيبي
قولتلها بتكلميه ليه
وقعدت ازعق واصوت اكتر
بعدها ب ربع ساعه لاقيته ف البيت
وماما بتقول مازن هو حصل حاجه بين هاجر واحمد اخوك
قالها لا محصلش حاجه معلش ي طنط سبينى اكلم هاجر بس شويه
بصتله وقولتله انا عايزه اسيب اخوك
قالى لو سبتى انا هسيب نرمين
وهاجى اتقدملك واتجوزك
قولتله تتجوز مين انت مجنون
متخلنيش اروح اقول لاخوك
لاقيت مسك الموبايل وقالى رقمه اهو تحبى تكلمي ولا اكلمه انا
مكنتش عارفه اعمل ايه ولا ارد عليه اصلا
لاقيته بيرن ع اخوه
واحمد رد
لاقيته بيقوله انا عند هاجر ي احمد تعالى هي عايزه تقولك انها هتسيبك وتجوز…….
قفلت بسرعه الموبايل قبل ما ينطق لاقيته مسك ايدى اوى وقالى بتترعشي ليه خايفه ليه ماانا معاكى
انا عارف انك بتحبينى انتى كمان
ومتنكريش ده
وهو بيتكلم لاقيت احمد داخل وبيقول متنكرش ايه يامازن ؟؟
اتخضيت اول ما شوفت احمد
مازن متحكرش من مكانه
سألته قولتله انت جيت هنا بسرعه ازاي؟
قالي انا كنت جايلك اصلا
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
كنت جاي اقولك نخرج
هو ايه اللي مازن كان بيقوله يااهاجر وهو بيكلمني ده
انتي عايزه تسبني؟
مكنتش عارفه ارد عليه
لاقيت مازن وقف قدامه وقاله هي بس اعصابها تعبانه عشان ضغوط الفرح وكده
ولاقيت موبايل مازن بيرن
لاقيته بصلي وقالي حبيبتي بتتصل
هروح ارد عليها واسيبكوا تتكلموا
وقالي اصل انتي عارفه يااهاجر بنت خالك بتتجن ازاي لما مبردش
انا كنت حاسه اني عايزه امسك الموبايل اكسره انا فعلا غيرانه انا مش عارفه ايه اللي انا فيه ده
بس احمد وقف قدامي وانا كنت عيني علي مازن­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
قالي هاجر مالك
انا اسف لو عملت حاجه مخلياكي متلغبطه كده
بصتله وانا مش عارفه انطق بس بدأت اعيط اووي
ولاقيت احمد اتخض
وعمال يحاول يهديني
كان مازن راجع لينا
وشافني وانا بعيط
ندهلي وبعدها قال بحبك
قلبي وقف اول ما قال كده قدام احمد
بس بعدها كمل كلامه وقال يانرمين
هقفل دلوقتي اشوف هاجر مالها واكلمك
احمد موبايله رن وطلبوا في الشغل ضروري
واضطر ان يسيب مازن هو اللي يهديني مازن اول مااحمد مشي
قالي انا بحبك
قولتله اشمعنا دلوقتي ليه تبوظ كل حاجه دلوقتي
انا مينفعش ابقي معاك وانت عارف
قالي لا ينفع
تعالي نهرب ونتجوز
وانا مش مجنون وانتي عارفه
وعارفه اني بحبك يااهاجر
وهبقي قد مسئوليتنا
اول ما قالي نهرب ونتجوز معرفتش اتكلم بصلي وقالي انا هسيبك تفكري
وبكره تردي عليا
عشان ده اخر فرصه لينا وعلي فكره يااهاجر لو رفضتي انااا…
لو رفضتي اناا هكمل وهتجوز نرمين
وسبني ومشي
انا كنت قاعده مكانى عقلى مش بيستوعب اللى بيحصل
انا بحبه
مش هقدر انكر ده
بس مينفعش اتجوزه
هو السبب في انى اتخطب لاحمد اصلا
مكانش بينطق
ونطق قبل الفرح
دخلت اوضتي وقعدت ع السرير
وانا بحاول احسب كل حاجه
بس لاقيت عقلى هينفجر خلاص مش عارفه اوصل لحل
احمد مالوش ذنب
مينفعش اعمل فيه كده وده كمان اخوه
ونرمين قريبتى
مش عارفه اوصل لحل
لحد ما جه بليل
ماما خبطت عليا وقالتلى اخرجى ياهاجر
خرجت من الاوضه لاقيت مازن واقف قدامى
حسيت ان دقات قلبى وقفت لثوانى ورجعت تانى
كان واقف بيضحك وبيقولى مالك ف ايه متتخضيش
انا ضحكت وانا الخوف مخلينى مش عارفه اعمل ايه
بس ماما كانت واقفه
بعدها قالى تعالى نقعد
ولما قعدنا طلب من ماما تعمله عصير
واول ما ماما مشيت
طلع من جيبه تذاكر سفر
وقالى ان قدامنا بكره بس
تذاكر السفر دى لبكره اساعه 12 بليل
قولتله انت فيك ايه
انت بتكلم كده ازاى انت مش خايف ؟؟
قالى لا انا مش خايف انا عايز اتجوزك
بس لو عايزانى اظلم نرمين وانتى تظلمى احمد انا هكمل
بكره ي هاجر
مردتيش صدقينى مش هرجع ف كلامى
وافتكرى كويس اوى انك هتبقى اذي لينا وليهم عشان ده قرارك انتى
ومشى وسبنى تانى
ماما كانت خرجت
قالتلى في ايه ي هاجر هو مازن راح فين
قولتلها كان مستعجل
وقولتلها انا اسفه يااماما على اللى هعمله
قالتلى في ايه
قولتلها هتعرفي بكره
دخلت اوضتى مسكت الموبايل عملت حاجه سريعه
وبعت رساله قولت لمازن فيها انا قررت خلاص
وقفلت الموبايل
نمت وصحيت تاني يوم على اساعه 2
نمت مدة كبيره اووى
لحد الساعه 10 بليل
ماما كانت نامت
وانا كنت قررت خلاص
قومت ولميت كل هدومي في الشنطة
وروحت المطار
لحد ما ركبت الطياره
وهنا كل حاجه انقلبت وابتدا العقاب الحقيقي
كان قراري اني هسافر
بس لوحدي.. من غير اي حد
وقررت اني اروح ماليزيا
ومش هعرف اى حد عنى حاجه
واول ما احس ان موضوع الفرح اتنسي هرجع وهتكلم مع الكل
بس الحقيقه تفكيرى مكانش صح وكنت غبيه
نزلت من الطياره وانا على بالى ان محدش هيقدر يوصلي بس حصل العكس
خرجت من الطياره روحت الفندق
وقولت انام شويه بعد السفر
بعد ساعتين بالظبط
لاقيت نفسي قلقت وصحيت
وقررت اني انزل اتمشى شويه
اتمشيت لحد البحر وقعدت افكر بس لاقيته قدامي ايوه مازن
وقف قدامي وقالي هي دي طريقتك عشان تحلى الموقف؟
بتهربي؟
فاكره اني مش هعرف اوصلك؟
بصتله وانا مش فاهمه
قولتله اززاى ؟؟؟؟؟؟
قالي عشان انتى مبتفكريش
بعد ما قولتيلي انك قررتى وانا كلمتك وموبايلك اتقفل انا كنت هجيلك عشان لما عملتى كده انا قلقت
وانا جايلك شركة الطيران اللى حجزت فيها باسمك
انتى اتصلي بنفس الشركة عشان تحجزى
ولما حصل كده كلمونى
وخليتهم يغيروا مكان الحجز بتاعى انا كمان ومن غير ماانتى تعرفي اى حاجه
وانا هنا قدامك اهو
قومت مشيت اول ما خلص كلامه وقف قدامى
وفضل يزعق
عايزه تهربي قد ايه
يوم ؟
اسبوع ؟
شهر ؟
سنه ؟
ردى عليا قولتله انا عايزه ابقي لوحدى قالى يعنى شهر
مردتش عليه
قالى يعنى شهر طب تمام ولاقيته مسك موبايل وبيكلم
الو _ايوه ي احمد انا مع هاجر دلوقتى… يتبع
قالى يعنى شهر طب تمام
ولاقيته مسك موبايله وبيكلم
الو
ايوه ي احمد
انا مع هاجر دلوقتى
لا ي احمد هاجر عايزه تبعد شهر
اجل الفرح واجل كل حاجه ي احمد
وانا موجود متخافش
لا ي احمد هى مش عايزانى اقول ع مكانها وكمان بتطلب منك انك متدورش عليها
انا كنت واقفه بسمعه ومش بنطق
قفل وبصلي وقالى لو عايزه تهربى سنين مش شهر انا هعملك كل حاجه
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­