أبـ.ـوس ايـ.ـدك يـ.ـبـ.ـيـ.ـه ابـ.ـعـ.ـد عـ.ـنـ.ـي

_اه وربنا
=هتقلب دراما
_لو عيطي اعيط معاكي
=بص يسيدي، بابا وماما اتوفوا وانا عندي 17 سنه يعني اول مفهمت يعني اي حب عيله، عمي بقى طبعا خدني عشان اعيش مع عيالوا بس كان فيه تفريق جامد اوي، تعرف انا خرجت من التعليم، ومن كتر الي حصلي نسيت حتى الحروف، هربت واشتغلت خدامه انا شوفت كتير اوي يا احمد، كتير اوي على قلب بنت عندها 21 سنه!!

_تعرفي اول مشوفتك في الفستان الي انتي لبساه دا فرحت اويي انه جه في بالك تلبسيه، بتاع اختي اول مشوفتك افتكرتها، سافرت ومحدش عارف عنها حاجه، مش عارفين حتى نتواصل معاها!! هي أكبر مني ب5 سنين وجع الفراق انا مقدره وحاسس بيكي، ربنا يرحمهم ومن هنا ورايح انا اخوكي ولو احتاجتي اي حاجه قوليلي، مجرد انك تقوليلي بس وهعملك الي انتي عوزاه
ابتسمت ومسحت دموعي=تيجي نكمل البسبوسه؟
ضحك_يلا قومييي

يمكن هو جه يطيب الوجع دا كله، كان فعلا ونعم الأخ، ومامته كانت بتعاملني حلو اوي عشان مفتقده بنتها، ابوه راجل طيب اويي، مش عارفه هقول كده ازاي بس هما رجعوا دفا العيله الي كنت محتجاه وكنت بشوفه من بعيد، طول الشهرين وهما محسسني اني فعلا منهم، نسيت اصلا اني مجرد خدامه!! ، طول الشهرين واحمد بيعلمني الحروف واني اكتب وأقرأ تاني، إلى هو حد بالبرأه دي مفيش والله
_مريم؟

ارغييي
_انتي بتعامليني كده لي، دا انا غلبان والله
=بعد اذنك ارغييي؟
_ايوه كده، فيه اجتماع مهم جدا في الشركه فيها ترقيه ان شاء الله
=هتترقي وهتبقى احسن واحد في الدنيا
_في الدنيا؟
ابتسمت=في الدنيا

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

_وانتي اجمل اخت في الدنيا، ربنا يخليكي ليا، تعرفي لو اترقيت هعمل حفله و..
=عاوزه آيس كريم
_و..
=انت اطرش بقى ولا ايي بقولك عاوزه آيس كريم!!
_منك لله
ضحكت وراح جبلنا كلنا، انا بشكر ربنا في كل سجده عليه وبدعيله مش بعمل حاجه غير اني ادعيله، اكيد ربنا هيوفق واحد بالحنيه دي والله
صحيت الصبح مخصوص عشان عارفه انه خواف في كل مره يبقى فيه حاجه مصيريه بالنسباله
_خواف بيه
=مش بخاف على فكره، بعرف اعيط، اعيطلك؟
_بقيت عيوط اوي يلا
=شوف مين بتكلم، وبعدين انتي صاحيه ننكش في بعض؟
=هتنجح وتترقي وربنا هيحققلك كل الي نفسك فيه والله، انا واثقه في ربنا ودعيلك طول الليل امبارح، ان شاء الله خير، وتبقى مدير الشركه في يوم
ابتسم وبصلي وابتسمت وهزيت راسي=انت قدها يعم، استنى اعملك فطار

عملتله فطار وكلنا سوا ومشي، فضلت ادعيله ومن كتر قلقي عيطت، اصل الترقيه دي مستنيها من زمان، انا تقريبا بقيت عارفه حاجات متعرفهاش امه عن الواد دا
رجع بعد الضهر واول مشوفته جريت وقفت قدامه
_ها؟
=..
_نجحت صح؟ اترقيت
=..
_بلاش نظره الحزن دي بالله عليك، اكيد ربنا هيعوضك و..

اترقييييييت يمريم
_مكرهش في العالم قدك، خضييييتني
=دي مبروك؟
_امشي من قدامي السعادي يلا يشاطر
كنت مبسوطه اوي وانا شيفاه فرحان كده، هو يستاهل الخير، يستاهل كل الخير بقلبه دا والله
الجرس رن وفتحت الباب
_انت!!!! .. يتبع

الجرس رن وفتحت الباب
_أنت!!!
=إنتي؟
روحت مشيت بخطوه سريعه ووقفت ورا احمد، اول مره كنت امسك ضهره وانا بالخوف دا
_مريم!! مالك؟
=بتهيقلي صاحبك برا
بص ناحيه الباب وابتسم
_ازيك يمحمود تعالي ادخل يجدع
=الف مبروك يعم على الترقيه

_الله يبارك فيك
=ديي اختك؟
بصلي ورجع بصله_ايوه
ميل عليا وهمسلي في ودني_ ممكن تطلعي على اوضتك!!
كنت مستنيه الجمله دي اصلا عشان اطلع فوق، عاوزه استخبي، يمكن عاوزه اهرب !! ، معقول اشوف الإنسان دا تاني؟ وافتكر ذكريات مش عاوزه افتكرها وانه حاول يتهجم عليا!! طب لي يجي؟ لي يطلع صاحب أحمد اصلا!! طلعت اوضتي وكنت بترعش وراحه جايه فيها لغايه مسمعت صوت خبط على الباب
_ادخل
لقيته احمد ف ابتسمت= مشي؟
_اشمعنا يعني بتسألي؟

سكتت ومجاوبتش مينفعش اقوله انه هو نفس الشخص عشان ميحصلش مشاكل، رجعت بصتله تاني وابتسمت
=عشان اعملك البسبوسه الي انت بتحبها عشان اترقيت ومحدش بقى قدك
_شكرا يمريم
=شكرا!! على اي؟
_عشان بعد ربنا انتي السبب في الي حققته دا، انتي الي كنتي بتشجعيني وواقفه جمبي، تعرفي لما يحصلي مشكله في الشغل وتتظبط اقول دي دعوات مريم، بجد شكرا
=لو حد لازم يشكر التاني ف الحد دا انا مش انت
_هتبدأ تعيط وهزعلها اهو
ابتسمت=انت عاوز اي دلوقت؟
_عاوز البسبوسه!!
يجماعه والله انا مهلاقي حد كده فعلا، يمكن انا حصلي كل دا عشان يبقى هديتي واحد زيهه في الاخر
_مريم!!